sur da no

Cul grond incendi dal 1869 es ars bod tuot il cumün da Lavin. Be pacas chasas sun schmütschidas da las flommas, tanter oter la chasa engiadinaisa ingio cha no brastulain nos cafè. Grazcha al sustegn finanzial dals numerus Engiadinais "Randulins" emigrats chi han  chattà lur furtüna i'l süd  e cun quai eir pervi dal stret contact cun l'Italia es la part arsa da Lavin gnüda refabrichada tenor ils plans dad ün architect talian in möd urbanistic da quel temp modern. Il caracter dal cumün da Lavin vain perquai jent nomnà hozindi co "italianità Engiadinaisa".

L'istorgia da Lavin es eir ün'istorgia da persistenza e da respet invers la natüra. Da plü bod vivaivan ils abitants da Lavin da l'allevamaint da bes-chas, da la cultivaziun da gran e da l'export da laina, per gronda part in armonia cun la natüra. Quista filosofia da respunsabiltà ed attenziun proseguina in nossa cultura da cafè: cun cumprar uschè direct co pussibel nos cafè verd prodot tenor criteris ecologics e da buna qualità, pussibiltaina cundiziuns da lavur fairas i'ls pajais d'origen. Il cafè vain brastulà in purziuns pitschnas, plan, cun precauziun e per gronda part in lavur manuala. Persistenza significha per no eir la collavuraziun culs furniturs regiunals e partenaris da vendita.

Sco cha "l'italianità" da Lavin unischa il plaschair da viver e l'avertezza mundiala cun la tradiziun alpina, collia eir nos cafè ils meglders aromas dal muond cun masteranza solida fatta in chasa engiadinaisa tradiziunala chi respira dürant tschientiners l'istorgia in sia müraglia. La cuort suot chi d'eira üna jada l'access a la stalla da muvel e da giallinas, al schler da mailinterra, chaminada e local da liongias ans serva hoz sco schler da brastular cafè bain drizzà aint.

Giodai cun "be cafè" ün toc Lavin in mincha tazza.

Cafè es daplü co be üna bavronda – cun cafè cumainzan bellas istorgias...