cafè sco tössi da mürs
Ad ün cafè fich ferm as discha per rumantsch ün cafè sco tössi da mürs. Quist cafè cun 100% fava da cafè da l'India da la sort canefora our da producziun biologica es intensiv e ferm.
1
sapperlot che ferm tabac
Al diavel da la chanzun "ferm tabac" da Men Rauch cugnuoscha bod mincha Engiadinais. "Saperlot, che ferm tabac", dschess il diavel bavond quist cafè classic talian cun 30% fava da cafè da la sort canefora.
2
na minch‘ utschè cugnuoscha il bun gran
Il möd da dir "na minch'utschè cugnuoscha il bun gran" descriva quist cafè brastulà ün pa main ferm. In quist möd survain l'espresso tradiziunal ün aroma da cafè marcant, früttus e bain equilibrà.
3
cafè asch mett’aint gromma scha tü hast
Quist cafè brastulà cler da caracter früttus ed asch armonescha cul dutsch dal lat s-chimà. Perquai mett'aint gromma scha tü hast!
4
gust es gust disch il giat lichond il chül
Quist cafè fich cler es üna dumonda da gust: ün zich asch, ma listess resorta il dutsch botanic dal cafè pür da l'Etiopia da la sort arabica.
5
No brastulain cafè verd dad ota qualità chi vain prodot i'ls pajais d'orogin tenor criteris ecologics e cun cundiziuns da lavur fairas pels paurs.
No procurain fava da cafè verda dad ota qualità e tilla brastulain cun precauziun in möd modern ed innovativ. Il cafè vain brastulà in schler da chasa engiadinaisa, per gronda part in lavur manuala. No mettain pais sün la colliaziun culla regiun e prouvain da lavurar in möd perdürabel. Ursina Rauch e Thomas Lutz
daplü infuormaziuns